Die missie van Rietvlei Akademie is om leerders te lei en te onderrig om eendag te kan word waarvoor hulle bestem is.  Hier bied ons gehalte onderrig in ‘n plaasatmosfeer deur gekwalifiseerde personeel met ervaring en passie.

Die leuse van die skool is: “Sprei jou vlerke” en ons poog daarna om ons kinders te leer om in hulle self te glo, hulle vlerke te sprei en hoog te vlieg.

Rietvlei Akademie is geregistreer by die Gautengse Departement van Onderwys as ‘n Privaat Afrikaanse Laerskool en Hoërskool.

Met klein klassies en persoonlike aandag kan ons goed opgeleide personeel individuele aandag aan elke leerder gee.  Dis vir ons baie belangrik dat kinders gelukkig en geliefd moet voel in die omgewing waar hulle elke dag leer.